NSSF KUENDELEA KUKABILIANA NA CHANGAMOTO ZA MAKAZI


Meneja Uhusiano na Huduma kwa Wateja wa Shirika la Taifa la Hifadhi ya Jamii (NSSF) Bi. Eunice Chiume akieleza kwa waandishi wa habari (hawapo pichani) mpango wa Shirika hilo kuendelea kutatua changamoto za makazi kwa wanachama wake,wakati wa mkutano uliofanyika katika ukumbi wa Idara ya Habari(MAELEZO) Leo Jijini Dar es Salaam.Kulia ni Mkurugenzi Msaidizi wa Idara ya Habari (MAELEZO) Bi Zamaradi Kawawa. Picha na Hassan Silayo-MAELEZO
********************************************
Na Georgina Misama
Shirika la Taifa la hifadhi ya jamii (NSSF) linaendelea na mikakati wa kutatua changamoto za makazi kwa wanachama wake.

Hayo yamesemwa na Meneja Uhusiano na Huduma kwa Wateja wa shirika hilo Eunice Chiume wakati wa mkutano na waandishi wa habari leo Jijini Dar es Salaam.

Eunice alisema kuwa kutokana na kuwepo kwa  hitaji kubwa ya makazi shirika limejipanga kukabiliana na changamoto hiyo kwa kuendelea kujenga nyumba za bei nafuu zitakazouzwa kwa wanachama wake ili kuweza kuwapatia makazi ya kudumu.

“baada ya kukamilika kwa awamu ya kwanza naya pili ya ujenzi wa nyumba 297, NSSF tumeona kuna haja ya kuendelea kukukabiliana na hali hii kwa kuanzisha awamu ya tatu ya mradi wa nyumba za bei nafuu itakayohusisha ujenzi wa nyumba 900 zitakazo gharimu  takriban shilingi bilioni 23.” alisema Eunice.

Aidha Eunice aliongeza kuwa kuanzia November 11 mwaka huu Shirika linatarajia kuanza kutoa fomu za maombi ya kununua  viwanja 498 vilivyopimwa katika eneo la kiluvya A madukani, viwanja hivyo vitauzwa kwa ushirikiano wa shirika na Halmashauri ya wilaya ya kisarawe, ambapo  eneo hilo litakuwa makazi mapya nay a kisasa litakalokuwa na huduma muhimu za kijamii.

Viwanja hivyo vitauzwa kwa wanachama wa NSSF na jamii kwa ujumla kwa bei inayoanzia Shilingi 15,000 hadi Shilingi 20,000 kwa mita ya mraba kulingana na matumizi.
Share on Google Plus

About GLORIA MATOLA

This is a short description in the author block about the author. You edit it by entering text in the "Biographical Info" field in the user admin panel.
Chapisha Maoni

Watch the Video Here

Loading...
Inaendeshwa na Blogger.

Wanaofuata

Google+ Followers

TANGAZO

My Blog List